Dil aaj shaayar hai, gham aaj naghma hai
Shab ye ghazal hai sanam..
Ghairon ke sheron ko o sunne vaale
Hon is taraf bhi karam.
Aake zaraa dekh to teri khaatir, hum kis tarah se jeeye
Aansu ke dhaage se seete rahe hum, jo zakhm tune diye
Chaahat ki mehfil mein gham tera lekar, kismat se khela juaa
Duniya se jeete par tumse haare, yun khel apnaa hua.
Ye pyaar humne kiya jis tarah se, uska na koi jawaab
Zarraa the lekin teri lau mein jalkar, hum ban gaye aaftaab
Humse hai zinda vafaa aur humi se, hai teri mehfil jawaan
Jab hum na honge to roroke duniyaa
Dhoondegi mere nishaan..
Ye pyaar koi khilona nahin hai, har koi le jo khareed
Meri tarah zindagi bhar tadaplo, phir aana iske kareeb
Hum to musafir hain koi safar ho, hum to guzar jayenge hi
Lekin lagaaya hai jo daanv humne, vo jeetkar ayenge hi.
Subscribe to:
Post Comments (Atom)
No comments:
Post a Comment